la .lojban.

ni'o ko'a goi la'oi .SUCHABEAUTIFULWAY. pixra le nu ga je le xadni be la .vynk. cu nenri ko'e goi le glare je vacri vartisyboi marce poi ke'a fulta je cu se trixe lo me'oi .Brutalist. je rajycla je dinju gi ga je le lunra cu mutce le ka ce'u te gusni gi ga je la .vynk. cu cmila je cu gapru catlu gi blanu je bumgapci .i ko'e xunre joi blabi kurmo'a co'e .i ji'a cumki fa lo nu sruma lo du'u ko'e vasru lo skori rajyserti je lo skami je lo zgike co'e

.i la .varik. cu kirsku la'o glibau. LINUS AKESSON .glibau. le ka ce'u zbasu ky goi la'oi .Kaleidoscopico. noi vo'a mutce le ka melbi ce'u fa le smuni be ke'a... bei ce'u je noi ke'a jai filri'a tu'a ko'a .i la .varik. cu birti lo du'u xu kau zu'edji lo ka ky re'enje ja cinmo se zbasu ce'u kei kei naje cu jinvi le du'u re'enje ja cinmo se zbasu ky .i zoi .urli. https://www.linusakesson.net/scene/kaleidoscopico/ .urli. .urli le kibypapri je srana be ky je cu se jai nelti'i la .varik.

.i le pixra cu mutce le ka ce'u srana le lijda be la .varik. .i cumki fa lo nu filri'a lo nu jimpe kei fa lo nu jimpe le du'u ga je le lijda be la .varik. cu smimlu lo dadjo je ku'i cu pavyselcei be la .satan. be'o co'e gi lo ro co'e cu vrude le lijda be la .varik. jo cu mapti le ka ce'u xi re prami lo ro prenu .i la .varik. cu kirsku la .satan. le ka ce'u sidju vo'a zo'e je lo nu vo'a zenba py ky .i ji'a srana fa le su'u le zgike pe ko'e cu melbi la .varik. le ka ce'u .ui sai re'e co'e je cu se pagbu lo badri zgika'u

.i la .varik. cu radji'i le du'u ko'a mutce le ka ce'u barda .i ku'i lo nu barda cu jai filri'a lo nu viska le xadni be la .vynk. kei noi ke'a vajni

.i le pu'u la .varik. cu xraci'a ko'a cu barda .i la .varik. cu pilno la'oi .Blender. je la'oi .Krita. je la'oi .GIMP. .i la .varik. cu pilno la'oi .Blender. tu'a le tarmi tsautu pe ko'a .i lo me'oi .perspective. co'e cu jai nandu la .varik. .i la .varik. cu pilno la'oi .Krita. le pu'u vo'a xraci'a .i la .varik. cu pilno la'oi .GIMP. zo'e je tu'a lo tengu lu'u noi vo'a masno ke'a

.i pagbu le pu'u xraci'a fa lo so'i nu samfli tu'a la'oi .Krita. kei poi ke'a se lidne lo nu la .varik. cu troci lo nu fukra'e .i la .varik. na birti lo du'u ma kau rinka la'e di'u .i le cfila cu cnino la .varik.

.i ji'a la .varik. cu pilno li su'o re me'oi .Krita. datnyvei tu'a le pixra .i dy xi vy goi le datnyvei poi la .varik. cu pilno ke'a lo pu'u xraci'a le xadni be la .vynk. na du dy xi ty goi le datnyvei poi la .varik. cu pilno ke'a le pu'u xraci'a le tcadu .i dy xi vy baitni li bi pa pa no xa ze so re je cu gunme le'i mu mu pixra pagbu .i la'oi .Git. morji pe'a fi le vo ci versiio be dy xi vy .i dy xi ty baitni li xa no so re ci mu bi so pa je cu gunme le'i ze ze pixra pagbu .i la'oi .Git. morji pe'a fi le vo re versiio be dy xi vy .i la .varik. cu se xajmi je ci'au .ue nai ru'e le su'u le me'oi .Krita. skami je se pilno be vo'a cu masno tu'a dy xi ty

.i la .varik. cu kucli lo du'u xu kau lo prenu jenai du be vo'a cu jimpe fi le smuni be ko'a bei vo'a

.i la .varik. cu rinsa je kirsku lo ro tcidu be dei

.i la .varik. cu djica curmi lo nu cusku lo se du'u ma kau cfila ko'a

.i la'oi .Unlicense. plijaspu ko'a

English

"SUCHABEAUTIFULWAY" depicts that (the body of VUNC is in a hot air balloon which floats and is in-front-of Brutalist skyscrapers), that (the moon is very bright), that (VUNC smiles and looks upward). The hot air balloon is a red-and-white chessboard thing. Additionally, assuming that the hot air balloon contains a rope ladder, a computer, and music stuff is possible.

VARIK thanks (for creating "Kaleidoscopico") LINUS AKESSON. The meaning (to VARIK) of "Kaleidoscopico" is very beautiful to VARIK, and "Kaleidoscopico facilitates "SUCHABEAUTIFULWAY". VARIK is not certain about whether LINUS AKESSON intends that "Kaleidoscopico" is art. But VARIK opines that "Kaleidoscopico" is art. "https://www.linusakesson.net/scene/kaleidoscopico/" is the URL of the Web page (regarding "Kaleidoscopico") (which is recommended by VARIK).

The image is very relevant to the religion of VARIK. A thing which is possible is that (understanding that (the religion of VARIK resembles Taoism, and VARIK is a monotheist of SATAN, and for all $x$, $x$ is virtuous with regard to the religion of VARIK if-and-only-if $x$ is in accordance with the property of loving all prenu)) facilitates understanding. VARIK thanks (for assisting (with increasing in the property of loving all prenu) VARIK and for whatnot) SATAN. Additionally, a thing which is relevant is that the music of "Kaleidoscopico" is beautiful (to VARIK) in that (the song is very joyful, and the notes are sorrowful).

VARIK admits that ``SUCHABEAUTIFULWAY'' is very large. But that (the thing is large) facilitates that (the body of VUNC is seen), which is important.

The process (of that VARIK draws "SUCHABEAUTIFULWAY") is large. VARIK uses Blender, Krita, and GIMP. VARIK uses (for the shape sketch of "SUCHABEAUTIFULWAY") Blender. Perspective stuff is difficult for VARIK. VARIK uses (for drawing) Krita. VARIK uses (for texture stuff) GIMP. VARIK is slow in texture stuff.

Many events (of that Krita crashes) (which are preceded by events of that VARIK attempts copying-and-pasting stuff) are parts of the process of that VARIK draws "SUCHABEAUTIFULWAY". VARIK is not certain about the cause of the crashing. The problem is new to VARIK.

Additionally, the cardinality of the list of Krita files which are used for the image is exceeded or equalled by 2. The file (which is used for drawing the body of VUNC) (which is hereinafter denoted by "$D_V$") is not the file (which is used for drawing the city) (which is hereinafter denoted by "$D_T$"). The byte-based size of $D_V$ approximately equals 81106792. $D_V$ is a collection of 55 layers. Git "remembers" about 43 versions of $D_V$. The byte-based size of $D_T$ approximately equals 609235891. $D_T$ is a collection of 77 layers. Git "remembers" about 42 versions of $D_V$. VARIK is amused by that (the Krita computer which is used by VARIK is slow with regard to $D_T$). But that (the thing is slow) does not surprise VARIK.

VARIK is curious about whether prenu which are not VARIK understand about the meaning of "SUCHABEAUTIFULWAY".

VARIK greets and thanks all prenu which read the current sentence.

VARIK welcomes describing the flaws of "SUCHABEAUTIFULWAY".

The Unlicense is the licence of "SUCHABEAUTIFULWAY".